Aquarbek "Gurutze Gorriak erantzun" ekimenarekin kolaboratzen du, Espainiako Gurutze Gorriak abiarazitako plan integral bat, COVID-19 pandemiaren ondorioz zaurgarritasun egoeran dauden pertsonei arreta emateko.

Salbuespen bereziko une batean, Aquarbek "Gurutze Gorriak erantzun" ekimenarekin kolaboratzen du. Espainiako Gurutze Gorriak abiarazitako plan integral bat da, COVID-19ren pandemiaren ondorioz zaurgarritasun egoeran dauden pertsonei arreta emateko.

Enpresak euro bat emango du irailaren 30era arte bezeroen arloan erregistratzen den bezero berri bakoitzeko. Bezeroen arloan alta emanda, Aquarbeko bezeroek modu arin, eroso eta seguruan kontsulta ditzakete fakturak eta gestio guztiak, etxetik irten gabe.

Ekimena konpainiako langileei ere ireki zaie, kanpainarekin bat egitea errazteko, irailaren amaierara arte ekarpen ekonomikoak eginez.

Lankidetza horrekin, gainera, Aquarbek Gurutze Gorriaren proiektua zabaltzen laguntzen du, pandemiak gehien eragiten dien kolektiboen osasun, gizarte, hezkuntza edo enplegagarritasun beharrei erantzuteko. Ekimenaren bidez, Gurutze Gorriak 1.350.000 pertsona baino gehiagori lagundu nahi die eta 40.000 boluntario baino gehiago mobilizatu nahi ditu 1.400 arreta-gune baino gehiagoren bidez.

Apirilaren 3an, Gurutze Gorriak 80.000 elikagai-kit baino gehiago ematea lortu zuen, baita 2.300 pertsona baino gehiago lekualdatzea ere, 500 anbulantzia baino gehiagoko flota bati eta gizarte-larrialdietarako 1.200 ibilgailuri esker.